Haka 1

Aa kia rite, E Maaori maa

Kua poohara te tangata

Poohara kai

Poohara whare

Poohara kakahu

Poohara taaonga katoa e

No hea ra te poohara e

I ahaha!!

I kai au

He whare toku

He kakahu oku

Maha rawa oku taonga whakahirahira

I ahaha

E hara au i te tangata pohara

He aha tera, to hamuti e

E Maaori maa, ko te tikanga

Ko te whakapapa o te poohara

He tikanga paakehe

Na te puutea mahi o te tangata e

Ano ra he mahi toku na toku putea,

ka hoko kai,ka utu whare ka hoko taonga ka toa e

E hoa maa, huakina mai o karu kei koonei a poohara. 

Kei ngaa whanau, kei ngaa whanaunga ahakoa he puutea ahakoa he mahi na te poohara.

Ka puta, ko mate kai 

Na te poohara  Ka puta ma te tinana 

No te poohara  Ka puta mahi kikino e, E i te waa o ngaa tipuna he maha ngaa kai

He maha ngaa whare

He maha rawa he maha rawa ngaa tikanga

ano raa,naa te aha i penei te pohara o te tangata e

I ahaha no tatau te hee

na  te puutea

Ka hoko waipiro

Na te putea

Ka hoko kai paakeha

Na te putea

Ka hoko tupeka kua huri kee ki te taumata o ngaa moni whakapau putea

Ko te petipeti Petipeti hoiho

Ko te petipeti Petipeti tikiti

Ko te petipeti Petipeti mihini kai moni e

I ahaha ka puta a poohara maranga te kuare huakina o karu 

Na te poohara ka patu whanau, ka patu tamariki, mate kai ana.

Mate tinana, mate kikino kaore i roa i tae atu o tamariki ki te taumata

Whakapau puutea na te poohara e 

Ana ana ana tokai e

HI!! HA!!